يا خالد قوم من قبرك ...؟ - منتدى المكتب العربي للمحاماة / المستشار ـ اشرف فرحات

آخر 20 مشاركات
اقتراح ارجو المشاركة فى الرد » بعرور وزعرور » فوائد السمك والبيض » اكلات شهية في رمضان » انتبه اخى الزائر ... انتبهوا ايها الاعضاء .... انها فرصة عظيمة » فيديوهات تعليم للحفاظ على البشرة والجمال » طرق سهله لتعليم الطبخ » ميك اب وااااااااااااو ياااصبايا » احدث استايلات الشعر بكل انواعه » تجنبي مشاكل البشرة في الصيف » اقوى خلطة للوجه والرقبةوالنتائج فى دقائق » دوره لتعلم المكياج...ادخلي مبتدئة لتخرجي محترفة » مجموعة من الديكورات الهائلة و الايكسسورات الرائعة لعام 2010 بالصور » ماسك سريع لتفتيح البشرة » التحليل الفنى للعملات ليوم 07-09-2010 من شركة yallaforex.net » اظافر ذات مظهر رائع و جميل شرح بالصور » 10.5 مليار دولار ارتفاعا فى الإيرادات السياحية » سياحة مصر تخطف الروس من تركيا » إخلاء سبيل موظف دهس طفلين وضابطاً وقت الإفطار » الرعب يسيطر على قرية ششتا بالغربية بعد العثور على جثة طفلة مقتولة داخل جوال

07-12-2010, 01:20 PM

رقم المشاركة : 1

المستشار اشرف فرحات

صاحب ومدير الموقع

ASHRAF . S .FARAHAT

المستشار اشرف فرحات غير متواجد حالياً

يا خالد قوم من قبرك ...؟

كتبت القارئة مروة قصيدة "يا خالد قوم من قبرك" تعليقا على مقال الزميل خالد صلاح رئيس التحرير "ابتسم .. مصر فى خطر"، وها نحن ننشرها مرة أخرى باعتبارها قصيدة إبداعية تستحق القراءة مرة بعد أخرى..

يا خالد قوم من قبرك

وقول مين موتك ومين ضربك

وقول مين عذبك ومين قهرك

قول مين ذلك ومين سحلك

بيقولوا الداخلية بريئة من دمك

هو أنت تطلع مين بسلامتك

كل يوم فيه كتير زيك

ويمكن أكتر بكتير منك

ماهو ده أهم فوائد الأمن والنظام

إنها تحرق قلبنا وقلبك

إنها تقهرك فى قعر بطنك

إنها تعرفك قيمتك

إنها تقصف عمرك

إنها تكسر عضمك

إنها تحزن أهلك

يا خالد اطلع من قبرك

والله حتى لو طلعت

والله لو بعد الموت نطقت

ما حد هيسمعلك

هو أنت لما كنت بتموت

كان مين رحمك

كان مين سمعك

يا خالد قوم من قبرك

يمكن نقوموا بعدك

يمكن نقوموا بعدك

مش أنت لوحدك اللى مت

دا إحنا كلنا ميتين من قبلك

يمكن نقدروا نأخدوا حقنا وحقك

كل الناس اللى شاهدوا

محدش سمعهم طظ فى كلامهم

هما ما بيسمعوش غير نفسهم

التقارير كلها جاهزة عندهم

بيقولوا إنك مسجل خطر من زمان

وعليك قواضى وعليك أحكام

ومشكوك فى شرفك

وبعت بلدك وغيرت دينك وغيرت اسمك

وقالوا كلام بعيد عنك

وكأنهم عايزين مكافأة قتلك

وكويس إنهم ريحوا البشرية منك

ربنا يرحمك يا خالد وربنا لوحده

اللى يقدر يأخد حقك

تقرير الطب الشرعى أول وتانى

بيقول إن البانجو عملك احتباس حرارى

آه يا نارى

هما يعنى هيغلبوا ما هما اتعودا

وكل الجرايد الحكومية بتقول إنك مفترى

وحتى وأنت ميت على الناس بتفترى

وأنت اللى خنقت نفسك بنفسك

وأنت اللى كسرت ضلوعك وكسرت الجمجمة

ومحدش فيهم جه ناحيتك ولا لمسك ولا قالك مرحبا

أنت اللى طحنت نفسك بنفسك ودخلت المفرمة

وظلمت المخبرين علشان مهما ناس طيبة

والواحد فيهم إيديه مطرحتين ناس متفصلة

أنا عارف أن القضية مش قضية مخبرين

القضية قضية شعب كاتم

وساكت وشايل الطين

وميعرفش حقه فين

مكسور الجناح ومطاطى الجبين

معندوش إرادة طيب هو هيجيب الإرادة منين

وصورة خالد قدامه عينية عينة

القضية قضية دولة عدوها الأول هو شعبها

ودايما شيفاه حمل تقيل على قلبها

وعايزة تخلص منه ومش عارفه توديه فين؟

ربنا يقدرها وكتر ألف خيرها

وفعلا الداخلية شايفه شغلها

والشعب هو همها ولا حد تانى يهمها

وكلنا متهمين وشوفوا خالد راح فين

من غير أى ذنب واسألوا رجال الأمن

هيطلع أحنا اللى علينا الحق

وأحنا اللى نستاهلوا الموت والتعذيب

واحنا اللى نستاهلوا الشنق

هما بشاوات ولاد بشاوات

وأحنا ولاد ستين كلب

أحنا اللى نستاهلوا الحرق

أحنا اللى مخلوقين علشان راحكتم

ربنا ينتقم منكم

بس لازم تعرفوا

أن الدنيا مش دايما لحد

الدنيا مش دايما لحد.

وتدعو اليوم السابع القارئة مروة إلى إرسال قصائدها وإبداعاتها الأخرى للنشر على صفحات الجريدة المطبوعة والإلكترونية.

التوقيع :


	المستشار / اشرف سعيد فرحات المحامي بالنقض محكم دولى معتمد عضو اتحاد المحامين العرب 14 شارع الجمهورية ــ عابدين ــ بجوار مسرح الجمهورية ــ القاهرة هاتف ارضى :ـ 23959072 (202 ) فاكس 23912961 ( 202 ) للتحدث مع المستشار / اشرف فرحات ( خاص بالاعضاء فقط ) 0110054712(202 ) للمراسلة عبر البريد الالكترونى لخصوصية الاستشارة arlso2006@hotmail.com اخى الزائر وعضو المنتدي الكريم والمشرفين الاعزاء أبدع في مواضيعك .. وأحسِن في ردودك .. وقدم كل مالديك .. ولا يغرك فهمك .. ولا يهينك جهلك .. ولا تنتظر شكر أحد .. بل اشكر الله على هذه النعمة .. ولله الحمد والشكر .. :: احاول بقدر المستطاع الرد على الجميع والمساعده وتذكر بأن هناك غيرك من الأعضاء .. وعدم ردى على موضوعك ليس تجاهل منى فلا تستعجل الرد .. قبل أن تعمل أي شيء تذكر أن الله عز وجل يراك ..

07-12-2010, 01:33 PM

رقم المشاركة : 2

نشوة نور

مشرفة بمنتدي حواء وادم

عضو فعال

نشوة نور غير متواجد حالياً

رد: يا خالد قوم من قبرك ...؟

بجد تحفه
و ربنا يرحمه و يصبر اهله
و ينتقم من كل من ظلمه

التوقيع :

اللهم اعنا على ذكرك و شكرك وحسن عبادتك
نائب المدير العام

07-12-2010, 04:38 PM

رقم المشاركة : 3

simmis8889

مراقب عام المنتدي

عضو متميز

simmis8889 غير متواجد حالياً

رد: يا خالد قوم من قبرك ...؟

رحمه الله واسكنه فسيح جناته

اللهم اغفر له وارحمه واجعله من الشهداء

التوقيع :

اللهم ارزقني حبك ........... وحب كل من حبك ........... وحب كل عمل ........... يقربني إلى حبك .... سبحانك اللهم وبحمدك ... أستغفرك وأتوب إليك .... لا إله إلا أنت سبحانك إني كنت من الظالمين
اللهم اكفنيهم بما شئت وكيف شئت انك على ما تشاء قدير ......... أستودعكم الله الذي لا تضيع ودائعه؛ ديني ونفسي وأمانتي وخواتيم عملي وبيتي وأهلي ومالي وجميع ما أنعم الله به عليَّ
مراقب عام منتديات المكتب العربي للمحاماه

07-12-2010, 11:09 PM

رقم المشاركة : 4

نيازى

عضو فعال

عضو متميز

نيازى متواجد حالياً

رد: يا خالد قوم من قبرك ...؟

لاحول ولاقوه الا بالله
ربنا يرحمه يارب ويصبر اهله ويجعل مثواه الجنه
وينتقم من كل ظالم ومن كل مفترى امين يارب العالمين

آخر تعديل نيازى يوم 07-12-2010 في 11:12 PM.

07-30-2010, 11:02 PM

رقم المشاركة : 5

ميرو7777777

مدير عام المنتديات بالمكتب العربى

عضو متميز

ميرو7777777 غير متواجد حالياً

رد: يا خالد قوم من قبرك ...؟

للظلم نهاية ولا تعليق

التوقيع :

مشرف منتدى الالعاب والتشويق والاثاره

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

يتصفح الموضوع حالياً : 1 (0 عضو و 1 ضيف)